UNANG BAHAGI - IDENTITY - KABANATA 3

TAO PO:

Ang Ikapitong Buhay ni Agustin Bulawan

nobela ni Arnold Saño Galicia

UNANG BAHAGI - IDENTITY

3

“Ay, naabala ko ‘ata’ng paglalambingan n’yong dalawa! Una na ‘ko?” napapahagikgik pang bungad ni Mari sa atin habang nakatayo siya sa may pintuan ng Singhayan ng Agham. Mahinhin nguni’t may itinatagong tatag ang tinig ng kasintahan ko. Hindi maikakailang nanalo nga siya sa Binibining PLR 2008 dahil sa balingkinitang hubog ng kanyang katawan, malulusog na mga suso, mapipintog na mga hita, at mukhang may hawig sa Haponesang aktres na si Sawajiri Erika. Mas matangkad siya sa akin nang kaunti dahil sa tuwing maglalapit kaming magkaharap, ang mga labi niya lang ang natititigan ko at hindi ang singkit niyang mga mata.

            Kinabahan ako sa pagkakatitig ni Mari sa matitikas mong mga braso, Agong. Nakayakap ka pa rin sa mga tadyang ko habang nakangiting nakatingin ka kay Mari. Hindi ko alam kung ano’ng damdamin ang ipapakita ng mukha ko. Katahimikan.

Writing Using Wattpad.Com

Aside from using Blogger as a publishing platform for my literary works, here's another option to interact with readers and writers of e-literature of all ages -- Wattpad. Been crazy about it since yesterday. Here are some of the best authors both in English and Tagalog that I have read and interacted with on Wattpad:

'Raingods' - a short story collection in English by Mario Paolo D. Macariola

'RI 121' - a short story in Filipino by Rochelle Ann S.G. Cayabyab

'Pang-Ngalan' - a short story collection in Filipino by Mario Paolo D. Macariola

I'm enjoying it a lot. And Margaret Atwood, author of 'The Handmaid's Tale' is using it!

You can also read 'Tao Po' there!

UNANG BAHAGI - IDENTITY - KABANATA 2

TAO PO:

Ang Ikapitong Buhay ni Agustin Bulawan

nobela ni Arnold Saño Galicia

UNANG BAHAGI - IDENTITY

2

Nasabi ko na ba sa 'yong naiinggit ako sa 'yo, Agong? Hindi pa nga yata, ‘no?

            Kung tatanungin mo kasi ako, isasagot ko agad na ‘Oo, wala pa akong balak na hanapin ang sarili ko, Agong.’ Baka meron na, baka wala pa. Baka meron na dahil, sabi mo nga, masipag akong mag-aral at lagi akong inaasar ng guro natin sa Agham na maurirat daw ako at para akong batang kulang na lang ay itanong kung bilog ba ang daigdig. Tapos, matatawa kang sumasang-ayon at maaasar ako sa ‘yo.

            "Ewan ko sa 'yo," sabay hahagalpak ka 'pag nakikita mong asar na asar na akong tinatawag na bata at namumula ang mapuputi kong mga tainga. “Para ka talagang bata.” Mapapatingin naman akong saglit sa mahahaba mong mga pilik-mata.

            "’Di mo naman ako inuunawa, e!"

UNANG BAHAGI - IDENTITY: KABANATA 1

TAO PO:

Ang Ikapitong Buhay ni Agustin Bulawan

nobela ni Arnold Saño Galicia

UNANG BAHAGI - IDENTITY

1

Nagsimula ang lahat nang si Makisig, sikat na aktor na hinahangaan ng maraming kababaihang inamin ang kanyang pagiging bakla noong huling bahagi ng dekada nobenta, ay isinawalat sa palatuntunang pantelebisyong ‘Sa Likod ng Tabing’ ng Bagong Namayan Broadcasting System 3 ang kanyang pagsisisi sa pagpapakasal niya sa bituin ng Hollywood na si James Dane Green.

            Sunud-sunod na malalaking pangyayari sa buong Kamaynilaan ang naganap sa unang limang buwan pa lang ng 2009. Hindi mahulugang-karayom ang mga daan mula Lungsod-Pasay hanggang Lungsod-Quezon dahil sa daang libong mga taong nagmula pa sa iba't-ibang panig ng Bagong Namayan. Puno man ng alikabok ang mga daraanan at nakasusunog man ng balat ang sobrang init ng araw ng Mayo, nagsipaglakad pa rin ang mga itong galit na galit sa kahabaan ng Lansangan-54 habang may bitbit na malalaking mga watawat at plakard na panay nagsasabing: "Walang Ginawang Bakla ang Maykapal!" at "Ang Pag-ibig ay Para sa Mga Lalaki at Babae Lamang!"

About ArjDalumat

Arnold John S. Galicia used to write editorial, news, and feature articles for The Sebastinian, San Sebastian College-Recoletos' official student publication while submitting his poems and short fiction to Lumad, the school's official literary anthology which he edited for two consecutive years. He is a member of the Cavite Young Writers Association and was an associate member of the Writers Union of the Philippines or UMPIL. He also attended poetry clinics such as the Linangan sa Imahen, Retorika, at Anyo under Ophelia O. Dimalanta and National Artist for Literature Virgilio S. Almario. Aside from surfing the Net, he is fond of cooking adobo, sinigang, paksiw, spaghetti, and tinola while reading classic novels. But he likes eating ice cream and cakes more.

Arnold often remembers his dreams. He believes in the unexplained. Utterly superstitious, he believes in Karma.

His nicknames are Arjay, Arn, Nold, Arn-arn, and Adjong

You can follow him on Twitter here: http://twitter.com/#!/arjdalumat

PROLOGO - KUWENTONG KUTSERO

TAO PO:

Ang Ikapitong Buhay ni Agustin Bulawan

nobela ni Arnold Saño Galicia

PROLOGO – KUWENTONG KUTSERO

“Nasa likod lang sila ng parola,” bulong ng kasamang sundalo ni Toshiro. Tinitigan niya ang kasamahan. Tiningnan niya rin ang mga bihag nila: matatanda, may mga sakit, at karamihan ay mga paslit pa. May binabalak na malaki ang mga kasamahan niya. At alam niyang ayaw man ng mga Pilipinong ito, bahagi sila ng plano ng kanilang grupo.

“Hindi tayo maaaring sumugod, Ide. Nasa Candawid pa si Heneral Mifune. Huwag muna ngayon.”

“Bakero! Ano ka ba, Toshiro? Hindi mo ba narinig ang sinabi ng tiktik natin? Mas marami sa bilang natin ang mga Amerikanong nasa loob niyan! Habang tulog pa sila at hindi handa, dapat,  may ginagawa na tayo! Sampung hagisan lang ng granada sa tuktok at pasukan ng parola, puwede na tayong sumugod. Bayonetahin na lang natin isa-isa itong mga taong ‘pinapaligpit na sa atin, wala na tayong problema!”